Məhkəmənin şöbə müdiri və ailəsi məhkəməyə verildi
Azərbaycanda bağlanan bank bir neçə şəxsi məhkəməyə verib.
“Ölkə.Az”ın məlumatına görə, ləğv prosesində olan “AGBank” ASC Zülbalayev Asim İkram oğlu, Zülbalayev Altay İkram oğlu, Zülbalayeva Aynurə Ağasəf qızı, Məmmədova Ziyvər Abbas qızı, Hüseynova Könül Taryel qızı ilə bağlı Bakı Kommersiya Məhkəməsinə müraciət edib.
Hakim Zeynəb Axundovanın sədrliyi ilə baş tutacaq məhkəmə işinin mahiyyəti kredit müqaviləsi üzrə mübahisələrdir.
Mətbuatda Zülbalayev Asim İkram oğlunun Bakı Apellyasiya Məhkəməsində şöbə müdiri vəzifəsində çalışdığı qeyd olunur.
Qeyd edək ki, 1992-ci ildə təsis olunan “Azəriqazbank” (AGBank) ASC-yə Mərkəzi Bankın İdarə Heyətinin 27 aprel 2020-ci il tarixli müvafiq qərarları ilə müvəqqəti inzibatçı təyin olunmuş, daha sonra isə lisenziyası ləğv edilmişdi.
Könül
Ölkə.Az
