Bakıda köşklü dayanacaqlar yığışdırılacaq? - AÇIQLAMA
“Ölkə.Az” xəbər verir ki, bu pavilyonların Bakı Nəqliyyat Agentliyi (BNA) Bakı Şəhər İcra Hakimiyyəti başçısının tabeliyinə verildikdən sonra meydana çıxdığı, BNA və Kiçik və Orta Biznesin İnkişafı Agentliyinin birgə layihəsi olduğu deyilir.
BNA-nın Rəqəmsal İnkişaf və Nəqliyyat Nazirliyinin tabeliyində Azərbaycan Yerüstü Nəqliyyat Agentliyinin balansına verildikdən sonra isə bu layihənin davam edib-etməyəcəyi də sual doğurur. Belə ki, şəhərin bəzi hissələrində bu pavilyonlar qoyulsa da, içərisində köşkün olmadığı, dayanacağın tam fəaliyyət göstərmədiyi məlum olur.
Kiçik və Orta Biznesin İnkişafı Agentliyindən (KOBİA) “Ölkə.Az”a bildirilib ki, dövlət-özəl tərəfdaşlığı çərçivəsində həyata keçirilən layihə davam edir. “Hansısa qurumun başqa bir qurumun tabeliyinə verilməsi layihənin icrasına hər hansı bir təsir göstərmir”, - deyə açıqlamada qeyd olunur.
Xatırladaq ki, Prezidenti İlham Əliyevin 2023-cü il 19 aprel tarixli Fərmanı ilə Bakı Şəhər İcra Hakimiyyəti başçısının tabeliyindəki Bakı Nəqliyyat Agentliyi Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin balansına verilib.
Könül
Ölkə.Az
