BNA işçiləri sürücüyə hücum edib? - FOTO
Paytaxtda Bakı Nəqliyyat Agentliyi (BNA) işçilərinin sürücüyə hücum etdiyi deyilir.
“Ölkə.Az”ın məlumatına görə, bununla bağlı sosial şəbəkələrdə paylaşım edilib.
Paylaşımda bildirilir ki, “Bakubus” avtobuslarının birindən enən 4 qurum işçisi nəqliyyat vasitəsinə yol verməyən avtomobilin qarşısını kəsib:
“Avtobusdan göy paltarda 4 BNA işçisi maşınımın qabağını kəsdilər, düşüb maşınıma cumdular. Onlardan biri əl-qol ataraq söyüş söydü, o birilər onu geri dartıb apardı. Mən də sürüb qaçdım. Bunlar nəyə güvənib belə edir? Hara şikayət etmək olar? Bunlara yol vermədim deyə, belə etdilər. Əslində, yol verdim, sadəcə, yanlış anladılar”.
Paylaşıma sözügedən avtobusun fotosu da yerləşdirilib.
BNA-nın mətbuat katibi Mais Ağayev məsələnin nəzarətə götürüldüyünü və araşdırıldığını deyib.
Könül
Ölkə.Az
