Yeni erməni hərbi dəstəsi - "Vaqner" əvəzi: Qarabağ istəkləri...

Ölkə.Az-ın xəbərinə görə, Amerika Müharibənin Tədqiqi İnstitutu ISW bildirir ki, batalyona Ermənistan vətəndaşları və Abxaziyadan olan etnik ermənilər daxildir.

Bu qrupun sponsoru Ukraynanın Donetsk vilayətindən olan kriminal avtoritet Armen Sarkisyandır. 

Bu barədə Ermənistanın “Hraparak” qəzeti məlumat yayıb. 

Nəşr Ukrayna kəşfiyyatına istinadən yazır ki, Sarkisyan Rusiya Federasiyasında bəzi koloniyaların və Rusiya nəzarətində olan Ukrayna ərazilərinə “baxır”.

Qəzetin yazdığına görə, qrupun arxasında nüfuzlu rus-erməni iş adamları dayanır: “Bu, erməni biznesi, kriminal başçıları, kilsə və hərbi qüvvələrin birliyidir”.

Batalyon komandiri Qarabağdan olan erməni Hayk Qasparyandır ki, onların məqsədi vətənə (RF) xidmət etməkdir. Digər maraqlı obraz isə Abxaziyada 2020-ci ildə baş vermiş çevrilişin fəal iştirakçısı, Rusiya hakimiyyətinin razılığı ilə hərəkət edən Axra Avidzbadır.

Qəzet yazır ki, ARBAT "Vaqner" kimi yeni hərbi qruplaşmadır. İyunun 24-də vaqnerçilərin uğursuz hərbi çevriliş cəhdindən sonra Rusiya hakimiyyəti bu cür qrupları hərbi əməliyyatlara cəlb etməkdən imtina etməmək, əksinə, onları “Vaqner"in gedişindən sonra cəbhədə yaranan boşluğu doldurmağa” təşviq etmək qərarına gəldi”.

Nəşr onu da istisna etmir ki, gələcəkdə batalyonun fəaliyyəti “Ermənistanı və Artsaxı xilas etməyə” yönələcək, Ermənistandan danışarkən bu, indiki hakimiyyətdən “xilas” nəzərdə tutulur.

Miri
Ölkə.Az