Məşhur kafenin terrası tarixi binaya zərər yetirib? - FOTO
Azərbaycanda məşhur kafenin terrasının tarixi binanın fasadına zərər yetirdiyi deyilir.
“Ölkə.Az” xəbər verir ki, bununla bağlı sosial şəbəkələrdə fotolar paylaşılıb.
Bildirilir ki, Sabail rayonu Nizami küçəsində yerləşən “Gazelli Café”nin qarşısında terras yaradılıb və bu genişləndirmə binanın fasadına xələl gətirir.
“Fasadı korlanan bina 1908-1910-cu illərdə tikilib və yerli əhəmiyyətli memarlıq abidələrinin siyahısındadır. Bu mülk vaxtilə Bakı milyonçusu Ağa Musa Nağıyevin olub və görkəmli polyak memar İosif Ploşkonun layihəsi ilə tikilib”,- deyə şikayətdə qeyd olunur.
Könül
Ölkə.Az
