Habil Əliyevlə vida mərasimi keçirildi

Azərbaycan Dövlət Filarmoniyasında xalq artisti Habil Əliyevlə vida mərasimi keçirilib.

Mərasimdə Baş nazirin müavini, xalq yazıçısı Elçin Əfəndiyev, Milli Məclisin vitse-spikeri Ziyafət Əsgərov, mədəniyyət və turizm naziri Əbülfəs Qarayev və ictimaiyyət nümayəndələri iştirak ediblər.

E.Əfəndiyev, Ə.Qarayev və digər qonaqlar mərasimdə çıxış edərək mərhumun yaradıcılığı, Azərbaycan mədəniyyətinə və incəsənətinə verdiyi töhfələrdən danışıb.

Qeyd olunub ki, H.Əliyev Azərbaycanda kamança məktəbinin inkişafında böyük rol oynayıb və özündən sonra zəngin irs qoyub.

trend

Ölkə.Az