Azərbaycanın I yarımildə qaytardığı borcun miqdarı açıqlandı
Bu ilin I yarısında Azərbaycanın dövlət büdcəsi xərclərinin 9 718,8 milyon manatı və yaxud 69,1 %-i cari xərclər, 3 913,7 milyon manatı və yaxud 27,8 %-i əsaslı xərclər, 430,8 milyon manatı və yaxud 3,1 %-i isə dövlət borcuna və öhdəliklərinə xidmətlə bağlı xərclər olub.
"Ölkə.az" xəbər verir ki, bu barədə Maliyyə Nazirliyinin məlumatında deyilir.
Məlumata görə, bunlar, ötən ilin eyni dövrü ilə müqayisədə müvafiq olaraq 11,5 % çox, 13,9 % çox və 45,3 % azdır.
Yanvar-iyun aylarında dövlət borcuna xidmətlə bağlı xərclərin 352,7 milyon manatı xarici, 78,1 milyon manatı isə daxili dövlət borcuna xidmət xərcləri olub.
