“Cinsiyyət dəyişmək istəyi ciddi psixoloji xəstəlikdir, anormallıqdır” – İlahiyyatçı

Sözügedən qərar sosial şəbəkələrdə müzakirələrə səbəb olub. Müsəlman kəsim qərarı dəstəkləyərək bizdə də oxşar adım atılmasını istədiklərini yazıblar.

Mövzu ilə bağlı Ölkə.Az-a danışan ilahiyyatçı Hacı Təyyar Hüseynli insanın yaradılışdan bir çox məsələlərdə seçim haqqına sahib olmadığını deyib:

“Cinsiyyət məsələsi yaradılışdan insanın özündə olan seçim deyil. Həqiqətən, yaradılış fəlsəfəsində var ki, biz cinsimizi seçə bilmirik, valideynlərimiz və bir çox məsələlərdə seçim bizim əlimizdə deyil. 

İnsanların normal və anormal tərəfləri ola bilər. Normal dedikdə, çoxsaylı insanların bir qrupda olması, anormal deyəndə isə az bir faizində də bəzi hal kimi rast gəldiyimiz istisna xəstəliklər nəzərdə tutulur. 

Respublikanın ən təcrübəli, ən ağsaqqal psixoterapevti ilə ünsiyyətdə olmuşam. O deyir ki, mənə də cinsiyyətini dəyişmək istəyən şəxslər müraciət edib.

Buna əvvəllər az rast gəlinirdisə, sonradan Avropadan bizə yaxın ölkələrə, onlardan da bizə sirayət edən psixoloji xəstəlikdir. Əgər Rusiyada cinsi mövzuda belə bir yetkin qərar qəbul olunubsa, deməli, bu, ciddi psixoloji xəstəlikdir. Kişinin qadın, qadının da kişi olmaq istəməsi anomal haldır”.

İlahiyyatçı öz arqumentini təbiətdəki digər canlılarda belə meyillərin olmaması ilə izah edib:

“Digər canlılarda da cins mövzusu var. Bəlkə də bu arqumenti heç kim indiyə qədər dilinə gətirməyib.  Heç görmüsünüzmü ki, zoologiya elmində, fauna və florada erkək cütlüklər və ya dişilər cütləşməyə meyilli olsun. Bu anormal hal yalnız insanlar arasında tədricən yoluxur. 

“İblis”, “şeytan” dediyimiz gözəgörünməz pisliklər və iyrəncliklər simvolu olan çirkin düşüncə insanları bu istiqamətə sürükləyir. Hər bir cəmiyyətdə də artıq bunun kütləvi hal alması, sosial, qlobal problemlərə gətirib çıxarısa bunu, əlbəttə ki, parlament, ciddi, təhsilli, təfəkkürlü insanlardan ibarət olan ali məclislərdə konkret olaraq müzakirə edilməli və tənzimləyici qərar qəbul olunmalıdır”.

Ölkəmizdə bu baxımdan vəziyyətin normal olduğunu deyən ilahiyyatçı cinsiyyət dəyişdirilməməsi üçün bizdə də oxşar addım atılması fikrini müdafiə edib:

“Şükürlər olun ki, Azərbaycanda milli-mənəvi, dini dəyərlərlə bağlı ciddi və həssas iş aparılır. Bu məsələdə ciddi, sivil, obyektiv qərarlar qəbul olunsun ki, sabah Azəbaycan xalqının genofondunu normal parametlərə uyğun ailələr, cinslər, cütlər təşkil eləsin”.

Billurə Yunus