Moskva görüşü: ermənilərə vurulan sarsıdıcı zərbə və ya şok effekti

Moskvada Azərbaycan, Rusiya və Ermənistan xarici işlər nazirlərinin yekununu ermənilərə “soyuq duş” və ya şok effekti kimi dəyərləndirilə bilər. Lavrovun görüşün yekunu olaraq Qarabağın erməni icmasının Bakı ilə danışıqlara getməyə çağırışı və güzgü effekti olaraq vaxtı ilə Ermənistan ərazisindən didərgin düşən azərbaycanlıların da qarşılıqlı şəkildə öz ata yurdlarına qaytarılması barədə açıqlaması, ermənilərin son ümid yeri kimi baxdıqları Kremldən aldıqları sarsıdıcı zərbə oldu. Moskva görüşü onu göstərdi ki, artıq danışıqlar masasında Qərbi Azərbaycandan olan soydaşlarımızın Zəngəzura, Göyçəyə, Dərələyəzə qayıdışı müzakirə predmetidir. Erməni tərəfi Azərbaycanın sülh təkliflərini qəbul etmədikcə, Bakı da sülhlə bağlı öz əlavə təkliflərini danışıqlar masasına daşıyır. 

Moskva görüşündən çıxan nəticələr:

- Kreml də Qarabağı Azərbaycanın trəkib hissəsi kimi qəbul edir və sülh sazişinin bu şərtlər daxilində imzalanmasını dəstəkləyir;
- Qarabağın azlıqda olan erməni icmasının Bakı ilə dialoqunu qəbul edir. Bu həm də Ağdam-Xankəndi yolunun açılmasının dəstəklənməsi deməkdir;
- Laçın yolunun açılması ilə bağlı da ancaq tövsiyə xarakterli fikir səsləndi;  
- Qarabağda erməni icmasının Azərbaycanın tərkibində təhlükəsizliyinin təmin edilməsi;
- Buna paralel olaraq, güzgü effekti olaraq vaxtı ilə Zəngəzur, Dərələyəz, Göyçə, Basarkeçər, İrəvan və digər ərazilərdən qaçqın düşən azərbaycanlıların öz yurdlarına qayıdışına İrəvanın beynəlxalq konvensiyalara uyğun olaraq zəmanət verməsi;
- Azərbaycanlıların Zəngəzura dönüşü məsələsinin beynəlxalq birlik tərəfindən qəbul edilməsi və onun həlli yollarının müzakirə edilməsi;
-Ermənistan və Azərbaycanın qarşılıqlı şəkildə ərazi bütövlüyü çərçivəsində sərhədlərin demarkasiya prosesinin sürətləndirilməsi;

Moskva görüşünü Vaşinqton və Brüssel görüşünün davamı kimi birmənalı şəkildə Bakının xeyrinə qiymətləndirmək olar. Yəni sülh gündəliyini müəyyənləşdirən Bakıdır. 

Revanşistlər və Xankəndidəki cinayətkar xunta yəqin ki, bundan nəticə çıxaracaq. Anlamalıdırlar ki, Bakının şərtlərini qəbul emtəkdən başqa alternativ yoxdur. Revanşistlər və xunta şərtləri qəbul etməzsə, o zaman alternativi Bakı onlara başa düşəcəyi dildə izah edəcək.

Mürtəza
Ölkə.Az