Namiq Məna həmkarının müdafiəsinə qalxdı: "Burada nə var ki..." - VİDEO

Ölkə.Az xəbər verir ki, sosial şəbəkə istifadəçiləri həmin mahnını Rüfətin ifa etməsini doğru hesab etmədiklərini deyərək ona irad tutublar.

Sosial şəbəkə istifadəçiləri “kimsə bununla güclü zarafat edib ki, səsin var, oxu, alınacaq”, “uşaqlıq illərimə bu musiqi ilə qayıdırdım, artıq sayəndə qayıtmaq istəmədim”, “get meyxana de, qurban sənə” və s. kimi şərhlər yazıblar.

Müzakirələrlə bağlı Ölkə.Az-a danışan meyxanaçı, bədihəçi şair Namiq Məna isə burada bir qəbahət olmadığını söyləyib. Onun fikrincə, ola bilər ki, R.Nasosnu musiqi savadı olmadığından mahnını düzgün oxumayıb:

“Düzü, həmin ifanı eşitməmişəm. Düşünürəm ki, burada ciddi qəbahət yoxdur. Sadəcə olaraq ona professional şəkildə yanaşmaq düzgün deyil. O, həvəskar kimi götürüb oxuya bilər. Təbii ki, Rüfətin musiqi savadı bir o qədər yüksək deyil, bildiyim qədərilə, musiqi savadı yoxdur. Sadəcə olaraq sənət adamıdır, səsinə uyğun gəlir, onun qəlbindən ürəyindən gəlir,  götürüb oxuyur. Yenə deyirəm qəbahət bir şey yoxdur. Ona professionalcasına yanaşmaq düzgün olmaz, çünki mahnı ifa edərkən sözlərdən, vurğulardan tutmuş nəfəsin alınması, verilməsi və s. hamısını peşəkarlar bilir. Bu saat türk mahnılarını da, öz mahnılarımızı da kim ürəyi istəyirsə ifa edir”, - deyə o əlavə edib.

Billurə Yunus