Azərbaycanda teatr mövsümünün açılışında
Dünən Gəncə Dövlət Dram Teatrında Azərbaycanda teatr mövsümünün açılışı baş tutub. Amma maraqlıdır ki, açılış mərasimində Bakı Uşaq Teatrından savayı ölkənin bütün teatrları iştirak ediblər.
Ölkə.Az bununla bağlı Bakı Uşaq Teatrının direktoru və bədii rəhbəri İntiqam Soltanla əlaqə saxlayıb. Direktor bildirib ki, bu ayrı-seçkiliyin səbəbi onun özünə də bəlli deyil:
"Mәdәniyyәt Nazirliyinә müraciәt edəndə deyirlәr Bakı Şәhәr İcra Hakimiyyәtinә ( BŞİH) baxırsınız. Yәni tabesiniz. BŞİH-nә hәr hansı bir işlә bağlı müraciәt edәndә adamı sözün birbaşa mәnasında әlә salıb deyirlәr ki, "baksovet nә vaxtdan teatra baxan tәşkilat olub, yaratmışıq gedin Mәdәniyyәt və Turizm Nazirliyi baxsın!". Deyirәm axı, maliyyәlәşmә BŞİH tәrәfdəndir. "Noolsun, istәyirsiniz onu da kәsәk?" cavabını eşidirik. Hәr iki tәrәfdәn danışıqlar qeyri-rәsmi aparıldığından, bu danışıqları sübut elәmәk dә mümkün deyil. Maraqlıdır ki, 2002-ci ildәn yaranan teatrın rәhbәrini onu yaradan şәxs tanımır. Mәn hәlә bu günә qәdәr Hacıbala Abutalıbovla görüşә, qәbuluna düşә bilmәmişәm. Merin ətrafına elә sәrhәd çәkiblәr ki, elә bil Hacıbala müәllimin kabinetindә uşaq tamaşalarının mәşqini keçirmək niyyәtindәyik. Bütün instansiyalarda adama elә hәdә-qorxu gәlirlәr ki, sadәcә әlin qalır ağzında ki, mәn nә istәyirәm. Mәn dә dövlәtçiliyin inkişafında öz әmәyimi vermәk istәyirәm də. Sәsimi çıxaran kimi "müxalifәt damğası " vururlar. Gәlin ötən ilki göstəricilərə nəzər salaq, görәk hansı teatr bizim qәdәr maariflәndirmә işi aparıb. Halbuki teatrımız iki ildir ki, Suraxanı rayonundakı mәdəniyyət evində 14 kvadratmetrlik bir otaqda məskunlaşıb. Kollektivimizin isə 70 nəfərə yaxın üzvü var. Bəs dərdimizi kimə deyək? Mәn başa düşmürәm ki, BŞİH ilә Mәdəniyyət və Turizm Nazirliyi fәrqli dövlәtlәrin fәrqli qurumlarıdır?!"
Məsələ ilə bağlı Mədəniyyət və Turizm Nazirliyinin də mövqeyini öyrənməyə çalışacağıq.
İntiqam VALEHOĞLU
Ölkə.Az
