Putin bir daha təsdiq etdi ki, Qarabağ Azərbaycandır - Korotçenkoxa0
“Rusiya prezidenti Vladimir Putin Rusiyanın Azərbaycanın ərazi bütövlüyünə hörmət etdiyini, Qarabağın Azərbaycan olduğunu bir daha təsdiqlədi”.
Ölkə.Az xəbər verir ki, bunu bunu rusiyalı siyasi ekspert, “Milli Müdafiə” jurnalının baş redaktoru İqor Korotçenko Rusiya lideri Vladimir Putinin Şərq İqtisadi Forumundakı çıxışı haqda deyib.
“Heç bir ölkə ənənəvi olaraq Qarabağdakı "seçkiləri" legitim kimi qəbul etməyib. Ona görə də erməni separatçılarının "rəhbərliyində" adların dəyişdirilməsi, ümumiyyətlə, vəziyyəti dəyişmir.
Qarabağda müvəqqəti olaraq qeyri-qanuni separatçı rejim fəaliyyət göstərir, mahiyyət etibarilə əhalini girov saxlayır. Və çox güman ki, hazırkı siyasi vəziyyət bütün Qarabağın Azərbaycan tərəfindən sürətlə geri qaytarılmasına yalnız öz töhfəsini verəcək”, - o bildirib.
Ekspert şübhə etmir ki, yaxın gələcəkdə silahlı təxribatlar, separatçıların, eləcə də Ermənistan Silahlı Qüvvələrinin Azərbaycana qarşı provokasiyaları davam edəcək: “Ona görə də Azərbaycan çox güman ki, diplomatik fəaliyyətini bundan sonra da cavab xarakterli məqsədyönlü hərbi əməliyyatlarla birləşdirəcək. Yol tikanlıdır, amma sonda tarixin məntiqi sarsılmazdır və Ermənistanın buna qarşı çıxması mənasızdır. Tarixi məntiq, siyasi proseslər nöqteyi-nəzərindən erməni əhalisinin Azərbaycan ərazisinə reinteqrasiyasından başqa başqa yol və variantlar yoxdur”.
