“Qəbələ Konserv Zavodu” kiçilir
“Pepsi Bottlers Azerbaijan”nın (Mars Overseas Baku LTD) Qəbələ şəhərində yerləşən “Qəbələ Konserv Zavodu” MMC nizamnamə kapitalını azaldır.
“Ölkə.Az” xəbər verir ki, kapitalın nə qədər azaldılacağı qeyd olunmayıb.
Qeyd edək ki, bir müddət əvvəl “Qəbələ Konserv Zavodu” MMC-nin nizamnamə kapitalı 64,146 mln manat artırılaraq 8,121 mln manatdan 72,267 mln manata qaldırılmışdı.
Şirkət ötən ilə qədər “Gilan Qəbələ Konserv Zavodu” MMC kimi dövlət qeydiyyatına alınmışdı.
Qeyd edək ki, zavod 21.06.2007 tarixində dövlət qeydiyyatına alınıb və qanuni təmsilçisi Özgür Dermikıandır.
Şirkətin kreditorları 1 ay müddətində AZ3600, Qəbələ rayonu, Qəbələ.ş, E.Kərimov, ev 34 ünvanına müraciət edə bilərlər.
Könül
Ölkə.Az
