Trampdan şok etiraf: İllərlə xalqdan gizli saxlanıldı
Ölkə.az xəbər verir ki, bunu o, Ağ Evdən xalqa müraciəti zamanı deyib.
Dövlət başçısı kəşfiyyat məlumatlarına istinadən söyləyib ki, Çin 2020-ci ildən bəri 220 milyon ABŞ seçicisinin məlumatlarını ələ keçirib.
“Bu gecə mən seçki sistemimizdəki şokedici zəiflikləri üzə çıxaran vacib kəşfiyyat məlumatlarının dərhal məxfiliyinin qaldırılması və açıqlanmasını elan edirəm”, - o bildirib.
D.Tramp bu vəziyyətin Birləşmiş Ştatlarda
hər hansı üçüncü dünya ölkəsindən daha pis olduğunu bildirib.
Bu məsələdə Demokratlar Partiyasının üzvü olan keçmiş prezidentlər Cozef Bayden və Barak Obamanı günahlandıran Tramp deyib: "Daha da narahatedici olan odur ki, bu vacib məlumat sizdən gizlədilib və illərdir gizlədilib.
Bu qalmaqalı daha da pisləşdirən odur ki, kəşfiyyat agentlərimizdəki bir çox struktur Çinin seçkilərə məkrli müdaxiləsi ilə bağlı məlumatları gizlətmək və kiçiltmək üçün fəal şəkildə çalışıb, bunu həm prezidentə, həm də Amerika xalqından gizlədib".
Ağ Ev sahibi onuda iddia edib ki, Çin hökuməti onun ABŞ prezidenti kimi haqqında mənfi məqalələr yazan amerikalı jurnalistləri müəyyənləşdirib onlara külli miqdarda pul ödəyib və FTB-nin əldə etdiyi bəzi xam kəşfiyyat məlumatlarına görə, Çinin ABŞ seçkilərinə müdaxiləsi hətta Bayden üçün qanunsuz bülletenlər hazırlamaq cəhdlərini də əhatə edib.
"Bu gün Milli Kəşfiyyat Direktorunun Ofisindən və Mərkəzi Kəşfiyyat İdarəsindən bu cür vacib məlumatların necə və niyə gizlədildiyini araşdırmağı, ört-basdır edilməsində iştirak edənləri işdən çıxarmağı və lazım gələrsə, həmin şəxsləri ittiham etməyi xahiş edirəm", - Tramp qeyd edib.
O, həmçinin qeyd edib ki, ABŞ Daxili Təhlükəsizlik Departamentinin araşdırmasına əsasən, onlar seçkilərdə iştirak etmək üçün qeydiyyatdan keçmiş təxminən 278.000 xarici vətəndaşı müəyyən ediblər.
Bütün bunlar seçki sisteminin nə qədər bərbad vəziyyətdə olduğunu göstərir ki, heç kim onu müdafiə edə bilməz. Yüz milyonlarla ABŞ seçicisinin sənədləri xarici hökumətlərin əlindədir və maşınlarımız və səs sayma sistemlərimiz kiberhücumlara, manipulyasiyaya və korrupsiyaya qarşı həssasdır".
Mürtəza
