"Qarabağ”ın futbolçusu komandadan kənarlaşdırıldı
"Qarabağ"ın baş məşqçisi Qurban Qurbanov komanda daxilində nizam-intizam qaydalarını pozan futbolçu ilə bağlı tədbir görüb.
Ölkə.az Sportinfo-ya istinadla xəbər verir ki, ispaniyalı yarımmüdafiəçi Joni Montiel qeyri-müəyyən müddətə əsas komandanın düşərgəsindən uzaqlaşdırılıb. Bu qərarın futbolçunun intizam problemləri ilə əlaqədar verildiyi bildirilir.
Montielin UEFA Avropa Liqasının I təsnifat mərhələsində İslandiyanın "Vestri" klubuna qarşı keçirilən oyunlar üçün sifariş ərizəsinə daxil edilməməsinin də məhz bu səbəbdən qaynaqlandığı qeyd olunur.
Xatırladaq ki, daha əvvəl Elvin Cəfərquliyev və Abbas Hüseynov da oxşar səbəblərlə komanda daxilində intizam tədbirləri ilə üzləşmişdilər.
