Birgə mübarizə aparmalıyıq – Siyavuş Novruzov

ABŞ bir zamanlar demokratiya adı altında ölkələrə müdaxilə edirdisə, indi açıq şəkildə heç nədən çəkinmədən müdaxilə edirlər. 

Ölkə.Az xəbər verir ki, bunu deputat Siyavuş Novruzov parlamentdə çıxışı zamanı deyib.

Onun sözlərinə görə, artıq Ceferson Amerikasından əsər-əlamət qalmayıb, ABŞ hazırda imperialist dövlətə çevrilib. Deputat bu sənədi Azərbaycana qarşı qəbul edilən ədalətsiz qərar qəbul edib.

“Biz Ali Baş Komandanın rəhbərliyi altında diplomatik, ədalətsiz müharibəyə qarşı birgə mübarizə aparmalıyıq”, - o qeyd edib.

Deputat əlavə edib ki, ABŞ Senatının erməniləri müdafiə edən qərarından daxildəki anti-Azərbaycan, xəyanətkar, satqın qüvvələr də tətbiq etməkdədirlər. 

“Axı həmin 907-ci düzəliş AXC-Müsavat hakimiyyəti dövründə Azərbaycana qarşı qəbul edilib. Heç olmasa, onlar buna qarşı çıxmalıdırlar.

Odur ki, Prezidentin arxasında dayanıb belə bəyanatlara qarşı sərt reaksiya verib onlara qaşı çıxmalıyıq”, - deputat bildirib.

Mürtəza
Ölkə.Az