Bayram Məmmədov vəfat etdi - FOTO
Bakı Dövlət Universitetinin (BDU) Mədəniyyət-Yaradıcılıq Mərkəzinin direktor müavini Bayram Məmmədov vəfat edib.
Bununla bağlı BDU-dan məlumat verilib.
Qeyd edilib ki, Bayram Məmmədov 1949-cu ildə Bakıda anadan olub. 1973-cü ildən 2019-cu ilə qədər BDU-da Yaradıcılıq klubunun müdiri vəzifəsində çalışıb. 2019-cu ildə klub Mədəniyyət-Yaradıcılıq Mərkəzi statusu alandan direktor müavini vəzifəsini icra edib, BDU-da tələbələrin sosial fəallığının artırılmasında mühüm xidmətlər göstərib.
Universitet kollektivinin, xüsusən müəllim və tələbələrin sevimlisi olan Bayram Məmmədov işində məsuliyyətli, qayğıkeş insan olub.
