“Expressbank”ın qazancı azalıb

“Ölkə.Az”ın məlumatına görə, bankın sözügedən dövrə cəmi aktivləri 560,228 mln manat olub. Bu isə 2022-ci ilin yekunu ilə müqayisədə 28,2% çoxdur.

Bank tərəfindən müştərilərə verilən kreditlərin həcmi isə illik müqayisədə 37,8% artaraq 409,253 mln manat təşkil edib.

Ötən ilin yekununda “Expressbank” ASC-nin cəmi öhdəliklərinin həcmində də artım müşahidə olunub. Belə ki, bankın cəmi öhdəlikləri 2022-ci ilin eyni dövrü ilə müqayisədə 39,8% artaraq 430,320 mln manata çatıb.

Bankın öhdəliklərinin tərkibində depozit portfeli illik müqayisədə 19,3% artıb və 230,411 mln manat təşkil edib. 

“Expressbank” ASC-nin cəmi kapitalı isə illik müqayisədə 0,6% artıb və 129,908 mln manat təşkil edib.

Sözügedən dövrə bankın xalis faiz gəliri 42,154 mln manat, xalis qeyri-faiz xərcləri 23,611 mln manat olan bank mümkün zərərlər üçün xüsusi ehtiyatların yaradılmasına 2,657 mln manat ayırıb.

Mənfəətindən 3,871 mln manat vergi ödəyən “Expressbank” ASC ötən ili 12,015 mln manat xalis mənfəətlə başa vurub. Bu isə 2022-ci ilin yekunu ilə müqayisədə 3,2% azdır.

Könül
Ölkə.Az