Rusiyanın "nəfəsliy"ini də bağladılar - Yaxın ölkələrdən məcburi qadağalar

Bildirilir ki, ABŞ prezidenti Co Baydenin dekabrın 22-də Ukraynadakı müharibədə Rusiyaya kömək edən xarici şirkətlərə qarşı ikinci dərəcəli sanksiyalar haqqında fərmanı bunun əsas səbəblərindən olub.

Həmçinin Çinin şirkətlərinin də Rusiya ilə əlaqələrdə məhdudiyyətlər tətbiq etdiyi deyilir.

İqtisadçı ekspert Natiq Cəfərli “Ölkə.Az”a açılamasında bildirdi ki, Rusiya bank vasitəsilə xarici ticarət əlaqələrinin böyük hissəsini Çin və Türkiyə vasitəsilə həyata keçirirdi:

“Hətta Rusiyanın sanksiya altında olan bəzi bankları sözügedən iki ölkə ilə işləyə bilir, bank kartları bu ölkələrdə keçərli olurdu. Lakin indi sanksiyaların sərtləşdirilməsi ilə bağlı qərar verilib. Həm ABŞ, həm də digər Qərb dövlətləri sanksiyalardan yan keçən bankların SWİFT sistemlərinə qadağa qoyulacağı ilə bağlı Türkiyə və Çin banklarına xəbərdarlıq edib. Buna görə də, hər iki ölkə Rusiya ilə banklararası əlaqələri minimuma endirməklə bağlı qərar verib”. 

Ekspert deyir ki, bu addım Rusiya iqtisadiyyatına mənfi təsir göstərəcək: “Çünki Çin və Türkiyə bankları Rusiya üçün nəfəslik rolunu oynayırdı. Sözügedən vəziyyət Rusiya rublunun ucuzlaşmasına, inflyasiya tədbirlərinin artmasına səbəb ola bilər”. 

“Proseslərin hansı yöndə inkişaf edəcəyi yaxın gələcəkdə görünəcək”, - deyə N. Cəfərli əlavə edib.

Könül
Ölkə.Az