“Koç Holding”in Azərbaycandakı şirkətininxa0nağd pulu azalıb

“Ölkə.Az”ın məlumatına görə, sözügedən dövrə bankın cəmi aktivləri 514 mln 861 min manat təşkil edib. Bu isə 2022-ci ilin yekunu ilə müqayisədə 6,8% çoxdur.

Bank tərəfindən müştərilərə verilmiş kreditlərin həcmi isə illik müqayisədə 23% artaraq 291 mln 778 min manat olub. Bankın nağd pul vəsaitləri və ekvivalentləri isə illik müqayisədə 35% azalaraq 110 mln 195 min manat təşkil edib.

Bankın depozit portfeli il ərzində 0,8% artaraq ötən ilin dekabrın 31-nə 366 mln 695 min manat olub. Cəmi öhdəliklərinin həcmi 4,8% artaraq 416,880 mln manata yüksəlib.

“Yapı Kredi Bank Azərbaycan”ın cəmi kapitalı ötən ilin yekununda 81,829 mln manat təşkil edib ki, bu ötən ilin eyni dövrü ilə müqayisədə 16,5% çoxdur.

2023-cü ilin dekabrın 31-nə şirkətin xalis faiz gəlirləri 33,139 mln manat, xalis qeyri-faiz xərcləri isə 17,357 mln manat olan bank mümkün zərərlər üçün ehtiyatların yaradılmasına ayırmalarını 420 min manat azaldıb. 

Mənfəətindən 4,2 mln manat vergi ödəyən “Yapı Kredi Bank” Azərbaycan 2023-cü ili 12 mln manat xalis mənfəətlə başa vurub.

Xatırladaq ki, “Yapı Kredi Bank Azərbaycan”ın səhmlərinin 99,8%-i Türkiyənin "Yapı Kredi Bankı"na, 0,01%-i "Yapı Kredi Yatırım Menkul Değerler" şirkətinə, 0,01%-i isə "Yapı Kredi Finansal Kiralama" şirkətinə məxsusdur. Türkiyənin "Yapı Kredi Bankı" isə “Koç Holding”ə məxsusdur.

Könül
Ölkə.az