Kreyq Ceyms Bondluqdan imtina etdi: \"Damarlarımı kəsərəm, amma...\"

"Mən irəli getmək istəyirəm"

Ölkə.Az xəbər verir ki, "Spektr" filmində Ceyms Bond rolunu oynayan Deniel Kreyq bir daha bu rolunu ifa etməyəcəyini bəyan edib.

4-cü dəfə məşhur casusu oynamış britaniyalı aktyor "Time Out" jurnalına müsanibəsində bildirib ki, damarını kəsər, ancaq bir də bu rolu oynamaz.

"Məni bunu etməyə vadar edən yeganə nəsnə pul ola bilər. Mən əlimdəki stəkanı qırıb damarlarımı kəsərəm. Mən irəli getmək istəyirəm", - deyə Kreyq qeyd edib.

Deniel Kreyq 1968-ci il martın 2-də İngiltərənin Çester şəhərində dünyaya gəlib.

Aktyora ümumdünya şöhrəti gətirən obraz isə “Royal Kazino” filmindəki 007 nömrəli agent Ceyms Bomd rolu olub. Uzun sürən kastinqdən sonra prodüserlər bu rola məhz Deniel Kreyqi seçirlər. Bu qərar media və serial superagentinin pərəstişkarları tərəfindən birmənalı qarşılanmır.

Açıq rəngli saçlarını, mavi gözlərini, boyunun 185 sm-dən az olmasını, gözəçarpan bədən quruluşunun olmadığını əsas gətirib Kreyqin namizədliyinin əleyhinə səs verənlər çox olur. Bunlara baxmayaraq 2006-cı il noyabrın 17-də onun iştirakı ilə çəkilmiş “Royal Kazino” filminin premyerası baş tutur.

Aktyor, həmçinin, 2008-ci ildə ekranlara çıxmış növbəti “Mərhəmət kvantı” filminə çəkildi. Deniel Kreyq peşəkar reqbi oyunçusudur və İtaliyanın Yuventus futbol klubunun tərəfdarıdır.

Ölkə.Az