Polisin "borclular əməliyyatı": Tutulanlar kimlərdir? - RƏSMİ AÇIQLAMA

"Polis borcluları saxladı" başlığı ilə yayımlanan xəbərlər isə insanlar arasında bir qədər narahatlıq doğurub.

Mövzu ilə bağlı Ölkə.Az-a danışan DİN-in Mətbuat Xidmətinin əməkdaşı Nurlan Əliyev bildirib ki, burada söhbət məhkəmənin qərarı ilə öhdəliyi olan, lakin bunu yerinə yetirməyən şəxslərdən gedir:

"Məsələn, məhkəmənin qərarı ilə banka borcu olan və ya aliment borcu olan şəxslər ödənişdən boyun qaçırırsa, mülki borclu kimi axtarışa verilir və gündəlik olaraq polis tərəfinən həyata keçirilən nəzarət buraxılış tədbirləri zamanı saxlanılaraq barələrində qanun çərçivəsində tədbir görülür. Onlar öhdəliklərini yerinə yetirirlər. Onsuz da borclu şəxslərin ölkədən çıxışı qadağandır. Məhkəmənin qərarı ilə məsuliyyətələ cəlb olunan şəxslər qərardan yayındıqları üçün polis borclu şəxs qismində onları axtarır", -deyə o söyləyib. 

N.Əliyev əlavə edib ki, öhdəliyini yerinə yetirməyən mülki borcluların axtarışa verilməsi üçün şikayətçi tərəflər ərazi üzrə polis idarələrinə yaxınlaşaraq ərizə yazmalıdırlar.

Billurə