Silahdaşı Paşinyana meydan oxudu: Yerinə gələcəyəm

Mənim namizədliyim Ermənistanın baş naziri vəzifəsinə irəli sürüləcək.

Ölkə.Az xəbər verir ki, bunu İrəvan meriyasında Milli Tərəqqi Partiyasının fraksiyasının rəhbəri Hayk Marutyan deyib.

“Dəfələrlə demişəm ki, tərəfdarlarımız partiya yaratmağımızı tələb edir. Biz artıq bu prosesdəyik. Yeni partiyanı tezliklə elan edəcəyik. Partiyamız yeni və ya mövcud olmasından asılı olmayaraq, Ermənistan Respublikasında baş verən bütün ən mühüm siyasi proseslərdə mütləq iştirak edəcək. Mütləq bu haqda danışdıqları üçün növbədənkənar seçkilər olmasa, 2026-cı il seçkilərinə mütləq hazırlaşacağıq. Mən partiyamızın rəhbəri olacağım üçün, bəli, mənim namizədliyim irəli sürüləcək”, - Marutyan qeyd edib.

Mandatından məhrum edilməsinə gəlincə, o, deyib ki, “Vətəndaş müqaviləsi" partiyası erməni xalqının başına o qədər fəlakətlər gətirdiyindən onlardan hər şey gözləmək olar.

Xatırladaq ki, İrəvanın sabiq meri deputat mandatından məhrum edilib. “Milli Tərəqqi” fraksiyasının rəhbəri Hayk Marutyan Ermənistanın baş naziri Nikol Paşinyanın sabiq silahdaşı olub.

Mürtəza
Ölkə.Az