"Zamiq, adımı çəkmə, maraq dairəmdə deyilsən"

Müğənni Kərim Abasovla Zamiq Hüseynov arasında qalmaqal yaşanıb.

Axşam.az xəbər verir ki, bu haqda Kərim "İncə səhər" verilişində danışıb. O bildirib ki, həmkarı ilə danışmırlar:

"Bəlkə də Zamiqi şeytan azdırıb. Onunla hər dəfə üz-üzə gələndə qucaqlaşırıq, bir-birimizin kürəyini sıxırıq. Ümid edirəm ki, mən yanlış başa düşmüşəm. Zamiq belə etməz. Soyuq olması onun xasiyyətindən irəli gələn bir məsələdir. Özü bilər. Əsas odur ki, haqqımda artıq şeylər danışmasın.

Zamiq gözəllik salonunda və ya məclislərdə oturub haqqımda danışır və deyir ki, filankəskimilərə fikrin necədir? Sən mənim yadıma da düşmürsən. Heç soruşmuram, heç sənin adını da çəkmirəm. Bilirəm ki, sənətçisən, dəyərlisən, xətrin əzizdir, hörmətini saxlayıram. Səndən keçəcəyim yoxdur. Amma oturub sənin adını çəkim və ya başqa sözləri haradasa deyim... Hətta bilə-bilə ki, o salonda bizim ortaq tanışlarımız, dostlarımız var. Bu, yanlış xəbərlər deyil. Bu hadisəni 4 nəfər təsdiq etmişəm. Çox pisimə gəldi. Amma yenə də boş verdim. Düşündüm ki, insandır da, ola bilər, Zamiq məni özünə çox böyük rəqib görür. Amma mən onu özümə rəqib yox, dost görürəm. Ona dostluq anlamı ilə yanaşıram. Rəqabəti sevmirəm. Amma onu görsəm, özünə deyəcəyəm ki, axı, mən səni, Zamiq, çox istəyirəm, xətrini əziz tuturam. Bəlkə də məndən hər hansısa bir məsələyə görə acıqlısan. Bilmirəm, əsəbisən. Məni özünə düşmən görürsən. Səninlə heç zaman düşmənçilik aparmamışam. Əgər aparsam, çox pis apararam".

Kərim Zamiqə səslənərək, onun haqqında danışmamasını istəyib:

"Xahiş və rica edirəm, harada oturdunsa, adımı çəkmə, özündən danış. Necə ki, mən səndən danışmıram, maraqlanmıram. Sən mənim maraq dairəmdə deyilsən. Zamiq, səni çox istəyirəm, amma öz söhbətini et. Hansı salonda oturdun, Kərimin adını çəkmə. Hər kəs altındakı “vedrəsinə” baxsın. Başqa heç kimin adını çəkməsin. Özünlə məşğul ol. Yenə də səni görsəm dost kimi görüşəcəyəm".