İran müsəlman ölkələri koalisiyasını yaratmağa çağırdı

"Müsəlman ölkələri İŞİD terror təşkilatına müqavimət göstərmək məqsədilə birləşməlidirlər".

Ölkə.Az xəbər verir ki, bu bəyanatla İranın Məqsədəuyğunluq Şurasının baş katibi Mohsen Rezai çıxış edib.

O bildirib ki, bu cür ittifaqın əsası artıq qoyulub.

"Bu, İran, İraq, Rusiya, Suriya və "Hizbullah"ın dəstəyi ilə qurulan koalisiyadır", - deyə Rezai bildirib.

O, ABŞ və sionist rejimini islamçı sektaların yaradılması və sünnilərlə şiələr arasında nifaq salmaqda ittiham edib.

"Bütün bunlar Səudiyyə Ərəbistanının dəstəyilə həyata keçirilir. İran, İraq, Suriya,"Hizbullah" və regional ölkələrin qarşılıqlı əlaqəsi nəticəsində İŞİD terror təşkilatı məhv ediləcək və terrorçular Suriya və İraqda basdırılacaq", - deyə Rezai əlavə edib.

Rəşid Mustafazadə

Ölkə.Az