İnflyasiyaya qarşı tədbirlər davam etdiriləcək - Nazirlər Kabineti
"Ölkə.Az" xəbər verir ki, bu barədə Nazirlər Kabinertinin “Antiinflyasiya tədbirləri və onun iqtisadi nəticələrinə dair xüsusi bülleten”ində qeyd olunub.
Bildirilib ki, Azərbaycanda inflyasiya 2023-cü ilin I rübündən sonra azalmağa
başlayıb. Dövlət Statistika Komitəsinin məlumatına əsasən 2023-cü ilin sonunda 12 aylıq
inflyasiya 2,1% təşkil etməklə hədəf (4±2%) diapazonunun aşağı hissəsində formalaşıb.
2023-cü ildə orta illik inflyasiya birrəqəmli səviyyədə 8,8% olub.
Tənzimlənən qiymətlərin, həmçinin mövsümi xarakterli məhsulların qiymət dəyişimi nəzərə
alınmadan hesablanan baza inflyasiyasının tempi də azalaraq dekabrda 2,3% olmuş,
inflyasiyanın bütün komponentləri üzrə azalma müşahidə edilib. Ümumilikdə, 2023-cü ilin
dekabrında illik inflyasiya ərzaq məhsulları üzrə 0,8%, qeyri-ərzaq məhsulları üzrə 2,7%,
xidmətlər üzrə isə 3,7% təşkil edib.
Könül
Ölkə.Az
