Bütün problemləri gülərək həll edin

Müasir dövrümüzün psixoloji problemləri bu gün hər birimizin dilində dolaşan stress, fobialar, panik atak və depressiya kimi sindromlardır. Hər biri müxtəlif terapiya metodlarıyla, ciddi müdaxilə istəyən problemlərdir.

Adını çəkdiyim 5 sindromu birləşdirən əlamət isə aşağı əhval-ruhiyyə və ruh düşkünlüyüdür. Günlük həyatımıza sirayət edən bu əlamətlər isə dövrümüzün bəlasıdır. Məişət həyatımızda aşağı əhval-ruhiyyə insanın heç nəyə marağının olmaması, əylənmək, gülmək, həyatdan zövq alma bacarığını itirmək, arzu və xəyallardan imtina etmək, və s. kimi hallarla özünü büruzə verir. Adətən ruh düşkünlüyü özünüqiymətləndirməklə düz mütanasibdir. Bu öz növbəsində insanın gələcək məqsədlərinə çatmasına, uğurlu atdımlar atmasına mane olan faktırdır. Təsadüfi deyilki günümüzdə Yaşam Koçları ilkin növbədə yüksək əhval-ruhiyyə və aktiv motivasiya xətdindən hərəkət edir.

Motivasiya fərdin bir çox seçim və qərarların idarə edən və məqsədlərinin gerçəkləşməsinə çalışan aktiv yönəlimdir. Hansı ki, insan əhval ruhiyyəsiylə sıx bağlılığı vardır. Yəni kefi əla olan insanın motivasiya olması daha asandır. Həmçinin yüksək motivasiya ilə çalışan bir insanın da əhval-ruhiyyəsi daha yüksəkdir. Psixoloq kimi oxuyuculara tövsiyyəm, problemlərə qalib gəlmək, nailiyyətlər qazanmaq istəyirsinizsə, yüksək əhval-ruhiyyəylə, gülər üzlə mübarizə aparın. O zaman daha güclü və daha cəsarətli olacaqsınız.

Ölkə.az