Keçmiş müsavatçı: \"Bu rəzillikdən sonra Arif Hacılı istefa verib getməlidir\"

Dünən Müsavat partiyası "Məhsul" stadionunda mitinq keçirib

Mitinqdə partiyanın parlament seçkilərində iştirak edən namizədləri də iştirak edib. Mitinq həm də Müsavatın 15 saylı Yasamal seçki dairəsindən deputatlığa namizədi İsa Qəmbərin seçiciləri ilə görüşü kimi də qiymətləndirilir.

Müsavatın dünənki mitinqi barədə fikirlərini qurultaydan sonra partiyadan xaric edilən Səxavət Əlisoy Ölkə.Az-a bildirib:

"Partiyanı zəbt etmiş saxtakarların nə deməsindən asılı olmayaraq Müsavat partiyasının dünənki mitinqi tam biabırçılıq idi. Keçən il saxta qurultaydan sonra Arif Hacılının başqan qismində ortaya çıxması üçün keçirdiyi mitinqə "Məhsul" stadionuna cəmi 300-400 adam gəlmişdi. Müavat partiyasında Arif Hacılının yanındakı 5-10 nəfər saxtakar və abrına qısılan müsavatçılar qalıb. Özünə, şəxsiyyətinə hörmət qoyan siyasətçi dünənki mitinqdən sonra Müsavat partiyasından istefa verib gedərdi. İstefa mədəniyyəti Arif Hacılı əqidəsinə yad olduğu üçün istefa verməyəcəklər. Abrına qısılıb partiyada qalan müsavatçılar partiyada qalıb-qalmamaq haqqında ciddi götür-qoy edəcəklər. 100-dən çox yaşı olan bir partiyanın bu günə salınması xəyanətdən başqa bir şey deyil.

Bəziləri deyir ki, guya bu mitinq İsa Qəmbərin təbliğat-təşviqatı ilə bağlıdır. Ayıbdır! Mitinq ediblər, görəndə ki, özlərindən başqa kimsə gəlməyib, Arif Hacılının dəstəsi belə bir versiya irəli sürüb. Bu rəzillikdən sonra Arif Hacılı istefa verib getməlidir".

Qeyd edək ki, təbliğat-təşfiqat dövründə mitinqi yalnız Müsavat partiyası keçirib.

Səxavət Məmməd
Ölkə.Az