Pakistanda zəlzələ qurbanları artdı

1200-dən artıq yaralı yerləşdirilib

Ölkə.Az xəbər verir ki, Pakistanda baş verən güclü zəlzələ nəticəsində həlak olanların sayı artıb.

Son məlumata əsasən, təbii fəlakət qurbanlarının sayı 228 nəfərə çatıb.

Bundan əlavə, Pakistanın xəstəxanalarına 1200-dən artıq yaralı yerləşdirilib və onların içərisində uşaqlar da az deyil.

Birləşmiş Millətlər Təşkilatının (BMT) baş katibi Pan Gi Mun zəlzələ nəticəsində həlak olanların doğmalarına və əzizlərinə başsağlığı verib. O qeyd edib ki, BMT zəlzələnin nəticələrinin aradan qaldırılmasında Əfqanıstana və Pakistana dəstək verməyə hazırdır.

Oktyabrın 26-da Pakistan vaxtı ilə saat 12:10-da baş verən zəlzələnin episentri Əfqanıstandakı Hindquş dağlarında 7,7 bal gücündə olub. Eyni vaxtda Qazaxıstan, Qırğızıstan, Tacikistan və Özbəkistanda da 5 bal gücündə zəlzələ qeydə alınıb.

Rəşid Mustafazadə

Ölkə.Az