\"Azərbaycanda demokratik seçki ab-havası var\"

"Seçkilər" Media Mərkəzi-“Azərbaycanda demokratik, azad və ədalətli seçkilərin keçirilməsi üçün möhkəm hüquqi baza yaradılıb. Ölkəmizdə seçkinin bütün mərhələləri müvafiq yerli qanunvericiliyə və beynəlxalq seçki standartlarının tələbələrinə tamamilə uyğundur. Seçkilərin təbliğat-təşviqat mərhələsi də çox böyük aktivlik və ruh yüksəkliyi ilə müşahidə olunur. Namizədlər həm seçicilərlə canlı görüşlər vasitəsilə, həm də media və sosial şəbəkələr üzərindən aktiv təbliğat kampaniyası həyata keçirirlər. Azərbaycanda olduqca hərəkətli və demokratik seçki ab-havası var”.

Ölkə.Az xəbər verir ki, bu fikirləri Seçki-2015.az saytına açıqlamasında “İslahatçı Gənclər” İctimai Birliyinin sədri Fərid Şahbazlı deyib.

O, bir sıra gənclərin bu seçkilərdə namizəd kimi iştirak etməsinə də diqqət çəkib.

Söyləyib ki, Azərbaycanda əsası ümummilli lider Heydər Əliyev tərəfindən qoyulan və bu gün Prezident İlham Əliyev tərəfindən uğurla davam etdirilən dövlət gənclər siyasəti həyata keçirilir.

Birlik sədrinin fikrincə, bu siyasətin əsas məqsədlərindən biri gənclərin ölkə idarəçiliyində aktiv iştirakını təmin etməkdir: “Birmənalı şəkildə demək olar ki, bu siyasət özünün hədəflərinə çatıb və bu gün Azərbaycan gəncləri hakimiyyətin müxtəlif qollarında təmsil olunmaqla dövlət idarəçiliyində yaxından iştirak edirlər. Bu baxımdan hesab edirəm ki, hakim Yeni Azərbaycan Partiyasının namizədlər siyahısında gənclərin olması, ölkəmizdə reallaşdırılan dövlət gənclər siyasətinin məntiqi nəticəsidir. Düşünürəm ki, bir sıra layiqli gənclərimizin Milli Məclisə deputat seçilməsində fayda var və bu, parlamentin fəaliyyətini daha da mobilləşdirəcək”.

Əsasən Qərb dairələrindən idarə olunan və bəzi xarici media orqanlarında Azərbaycandakı seçki prosesin ilə bağlı söylənən mənfi fikirlərə əmünasibət bildirən F.Şahbazlı deyib ki,ermənipərəst qüvvələrin bu kimi fəaliyyətləri bütün hallarda uğursuzluğa düçar olacaq.

Onun sözlərinə görə, ölkəmizə təzyiq etməyə çalışan bəzi xarici dairələr başa düşməlidir ki, Azərbaycan hakimiyyətini xalq formalaşdırıb: “Hansısa beynəlxalq təşkilatın, xarici qüvvələrin fikirləri, bəyanatları Azərbaycan xalqı və dövləti üçün əsas sayıla bilməz. 1 noyabrda ölkəmizdə xalqımızın siyasi iradəsini ifadə edən və beynəlxalq seçki standartlarına cavab verən seçkilər baş tutacaq və Azərbaycan bu seçkilərlə bütün dünyaya demokratiya dərsi keçəcək”.

Ölkə.Az