Azərbaycan almanlara iradını bildirdi

Bu ilin iyun ayında Almaniya Bundestaqının Azərbaycan ilə bağlı qərəzli və qeyri-obyektiv qətnaməsinin hər iki ölkə arasında əməkdaşlığın inkişafına mənfi təsir göstərib, bəzi alman şirkət və təşkilatlarının Azərbaycanın işğal edilmiş ərazilərində qeyri-qanuni fəaliyyət göstərib. Qanunsuz fəaliyyətinin qarşısının alınması ilə bağlı müvafiq tədbirlərin görülməsi zəruridir.

Ölkə.Az İqtisadiyyat və Sənaye Nazirliyinə istinadən xəbər verir ki, bu barədə Almaniyanın Berlin şəhərində Ticarət və İnvestisiyalar üzrə Azərbaycan-Almaniya Yüksək Səviyyəli İşçi Qrupunun V iclasında iştirak edən Azərbaycan tərəfi bildirib.

Öz növbəsində, Almaniya tərəfi həmçinin, bəzi alman şirkət və təşkilatlarının işğal olunmuş Azərbaycan ərazilərində fəaliyyəti məsələsinin araşdırılacağını qeyd edib.

Qeyd edək ki, iclasa Azərbaycan tərəfindən nazirlik aparatının rəhbəri Samir Vəliyev, Almaniya tərəfindən isə Federal İqtisadi Məsələlər və Enerji Nazirliyinin xarici iqtisadi siyasət üzrə baş direktoru Ekard Franz həmsədrlik ediblər.

Nazirlikdən bildirilib ki, bu gün Azərbaycanda 183 alman şirkəti fəaliyyət göstərir. Almaniya tərəfindən əsas kapitala 475,5 mln. dollar, o cümlədən qeyri-neft sektoruna 345,2 mln. dollar həcmində investisiya qoyulub. Almaniya şirkətləri ölkəmizdə həyata keçirilən layihələrdə podratçı kimi də fəal iştirak edirlər. 2013-cü illə müqayisədə 2014-cü ildə ticarət dövriyyəsi 21% artıb.

Ölkə.Az