"Qarabağ" “Olimpiakos”a məğlub oldu - VİDEO - YENİLƏNİB
"Ölkə.az" xəbər verir ki, Georgios Karaiskakis stadionunda keçirilən matçda meydan sahibləri 3:0 hesabı ilə qalib gəliblər.
Pireylilərin heyətində 56 və 60-cı dəqiqələrdə fərqlənən El Kaabi dubl müəllifi olub. Qarşılaşmada yekun hesabı müəyyənləşdirən qola isə 89-cu dəqiqədə Julian Byankon imza atıb.
Qeyd edək ki, Qurban Qurbanovun rəhbərlik etdiyi kollektiv Liqa mərhələsində keçirdiyi 8 görüşün 7-də uduzub, 1 matçda qələbə qazanıb. Azərbaycan çempionu üçün cari mövsüm avrokubok oyunları başa çatıb.
***
UEFA Avropa Liqasının Liqa mərhələsinin VIII turunun "Olimpiakos" (Yunanıstan) - "Qarabağ" oyununda üçüncü qol vurulub.
"Ölkə.az" xəbər verir ki, Georgios Karaiskakis stadionundakı matçda meydan sahibləri fərqi üç topa yüksəldiblər - 3:0.
89-cu dəqiqədə Julian Byankon fərqlənib.
***
UEFA Avropa Liqasının Liqa mərhələsinin VIII turunun "Olimpiakos" (Yunanıstan) - "Qarabağ" oyununda ikinci qol vurulub.
"Ölkə.az" xəbər verir ki, Georgios Karaiskakis stadionundakı matçda meydan sahibləri fərqi iki topa yüksəldiblər - 2:0.
60-cı dəqiqədə El Kaabi dubl müəllifi olub.
***
UEFA Avropa Liqasının Liqa mərhələsinin VIII turunun "Olimpiakos" (Yunanıstan) - "Qarabağ" oyununda hesab açılıb.
"Ölkə.az" xəbər verir ki, Georgios Karaiskakis stadionundakı matçda meydan sahibləri hesabda irəli çıxıblar - 1:0.
56-cı dəqiqədə El Kaabi adını tabloya yazdırıb.
***
UEFA Avropa Liqasının Liqa mərhələsinin VIII turunun "Olimpiakos" (Yunanıstan) - "Qarabağ" oyununda ilk hissə başa çatıb.
"Ölkə.az" xəbər verir ki, Georgios Karaiskakis stadionundakı matçda ilk yarıdan sonra hesab açılmayıb.
Matçı rumıniyalı baş hakim Radu Petresku idarə edir.
***
UEFA Avropa Liqasının Liqa mərhələsinin VIII turunun "Olimpiakos" (Yunanıstan) - "Qarabağ" oyunu start götürüb.
"Ölkə.az" xəbər verir ki, qarşılaşma Georgios Karaiskakis stadionunda keçirilir.
Matçı rumıniyalı baş hakim Radu Petresku idarə edir.
***
UEFA Avropa Liqasının Liqa mərhələsinin VIII turunda baş tutacaq “Olimpiakos” (Yunanıstan) – "Qarabağ" matçından əvvəl komandaların start heyətləri açıqlanıb.
"Ölkə.az" xəbər verir ki, Georgios Karaiskakis stadionunda keçiriləcək oyun Bakı vaxtı ilə saat 00:00-da başlayacaq.
Komandalar meydana aşağıdakı heyətlə çıxacaqlar:
"Olimpiakos": Konstantinos Dzolakis, Kostinya, Julian Byankon, David Karmo, Pirola, Santyaqo Esse, Dani Qarsiya, Kristoffer Velde, Kostulas, Jelson Martinş, El Kaabi.
"Qarabağ": Koxalski, Bəhlul Mustafazadə, Mateus Silva, Kevin Medina, Elvin Cəfərquliyev, Julio Romao, Marko Yankoviç, Leandro Andrade, Yassin Benzia, Abdullah Zubir, Nəriman Axundzadə.
