Berlində ara qarışdı: “Qalatasaray” azarkeşləri ilə polis arasında toqquşma
Türkiyənin “Qalatasaray” klubunun azarkeşləri komandanın çempionluğunu qeyd edərkən Berlində iğtişaş törədiblər.
Ölkə.az Publika.az-a istinadən xəbər verir ki, Şarlottenburq rayonunda keçirilən bayram tədbirləri zamanı fanatlar hüquq-mühafizə orqanlarının əməkdaşlarına pirotexniki vasitələr, daş və butulkalar atıblar. Nəticədə 33 polis əməkdaşı xəsarət alıb. Ümumilikdə tədbirin təhlükəsizliyini təmin etmək üçün təxminən 180 polis əməkdaşı cəlb olunub.
Qeyd edək ki, mayın 18-də “Qalatasaray” Türkiyə Superliqasının 2024/25 mövsümündə çempion olaraq tarixində 25-ci dəfə bu titulu qazanıb və ardıcıl üçüncü dəfə ölkə çempionu olub. Bu nəticə ilə İstanbul klubu ölkə birinciliklərinin sayına görə rekordçu statusunu daha da möhkəmləndirib.
