Hansı dərmanlar hər evdəki dərman qutusunda mütləq olmalıdır?

Ağrıkəsicilər və hərarətsalıcılar: Parasetamol və ibuprofen. – Baş ağrısı, qızdırma, əzələ və oynaq ağrılarında faydalıdır.

Evdəki dərman qutusu tibbi yardımın əvəzi deyil, amma onun köməyi ilə simptomları yüngülləşdirmək və xəstəxanaya çatana qədər təhlükəli vəziyyəti sabitləşdirmək mümkündür.

Ölkə.az "Lenta.ru"ya istinadla xəbər verir ki, həkim Anna Şelobanova hər evdə mütləq olması lazım olan dərmanları sadalayıb:

Əsas dərmanlar:

Antispazmodikler:
Drotaverin (No-shpa). – Qarın və bağırsaq sancıları, aybaşı ağrıları üçün lazımdır.

İshal və qəbizlik əleyhinə dərmanlar:
Loperamid, qliserin şamları, Polisor, Smekta, Enterosgel, Mikrolaks. – Həzm problemlərində istifadə olunur.

Soyuqdəymə dərmanları:
Boğaz ağrısı üçün sprey və pastillər, burun damcıları, Teraflu kimi tozlar.

Allergiyaya qarşı preparatlar (antihistaminlər):
Setirizin və xloropiramin. – Təkcə allergiyada yox, həm də həşərat sancmaları və dəri reaksiyalarında faydalıdır.

Sakitləşdirici damcılar:
Valerian və boymadərən (pustırnik) tinkturaları. – Stress, yuxusuzluq və narahatlıq hallarında istifadə edilir.

Ürək-damar sistemi üçün dərmanlar:
Validol və korvalol. – Ürək döyüntüsü, sinə ağrısı və gərginlikdə istifadə olunur.
Nitroqliserin və aspirin – infarkt halı üçün vacibdir.
Kaptopril – insult riski zamanı təzyiqin sürətlə salınması üçün istifadə edilir.

Əsas tibbi ləvazimatlar və vasitələr:

Steril bint, pambıq, plastır

Hidrogen peroksid, xlorheksidin, brilliant yaşılı və ya yod

Pantenol (yanıqlara qarşı)

Turniket (qanaxmanın qarşısını almaq üçün), qayçı, pinset

Amonyak spirti – huşsuzluq zamanı ayıltmaq və yaraların dezinfeksiyası üçün

Termometr, təzyiq ölçən cihaz (tonometr), dərmanlar üçün ölçü stəkanı

Uşaqlar üçün ayrıca dərmanlar:

Şərbətlər, şamlar və suspenziyalar – yaşa uyğun formada.

Həmidə İbrahimova