Arif Məmmədovun qəfil ölüm səbəbi açıqlandı - YENİLƏNİB
Ölkə.az xəbər verir ki, Modern.az hadisənin təfərrüatlarını öyrənmək üçün Azərbaycan Karate Federasiyasının vitse-prezidenti Füzuli Musayevlə əlaqə saxlayıb.
Füzuli Musayevin verdiyi məlumata görə, Arif Məmmədov Batumiyə tələbələrinin qatıldığı karate yarışı ilə bağlı səfər edib.
Lakin səfər zamanı səhhətində qəfil problemlər yaranıb və təcili şəkildə xəstəxanaya yerləşdirilib.
"İlkin diaqnoza əsasən, həkimlər ciyərlərində buzlaşma (hipotermiyaya bənzər pnevmoniya prosesi - red) getdiyini bildiriblər. Vəziyyəti sürətlə ağırlaşdı və komaya düşdü. Biz onu Türkiyədəki xəstəxanalardan birinə təxliyə etməli olduq", - deyə Füzuli Musayev bildirib.
Vitse-prezidentin sözlərinə görə, o, həmin vaxt Arif Məmmədovla eyni xəstəxanada olub, lakin hələlik ölümə səbəb olan konkret tibbi diaqnoz barədə dəqiq məlumat əldə olunmayıb.
Qeyd edək ki, Arif Məmmədov daha əvvəl Gənclər və İdman Nazirliyi yanında İctimai Şuranın sədrinin müavini olub.
***
Əslən Gəncə şəhərindən olan Azərbaycan Karate-Do Federasiyasının prezidenti Arif Məmmədov Gürcüstanda vəfat edib.
Ölkə.az Teleqraf-a istiandən xəbər verir ki, o Gürcüstana istirahətə gedib və qaldığı oteldə səhhəti qəfil pisləşərək komaya düşüb.
Həkimlərin müdaxiləsinə baxmayaraq A. Məmmədovun həyatını xilas etmək mümkün olmayıb. Onun nəşinin ölkəmizə gətirilməsi üçün hazırlıq görülür.
Qeyd edək ki, A.Məmmədov Karate üzrə dünya və Avropa çempionudur. Gənclər və İdman Nazirliyi yanında İctimai Şuranın sədr müavini, həmçinin Dünya Müasir Döyüş növləri Federasiyasının Avropa üzrə vitse-prezidentidir.
