Qaraciyər üçün ən faydalı gündəlik vərdişlər açıqlanıb

Ölkə.az xarici KİV-ə istinadla xəbər verir ki, bu barədə dietoloq Sandro Ferraz danışıb.

Onun sözlərinə görə, ən faydalı vərdişlərdən bəziləri balanslı qidalanma və spirtli içkilərdən imtinadır, çünki alkoqol qaraciyərin sirrozuna səbəb ola bilər.

Bundan əlavə, mütəxəssis kifayət qədər su içməyin vacibliyini vurğulayıb, çünki su bütün orqanların düzgün işləməsi üçün lazımlı hesab olunur. O, həmçinin çəkiyə nəzarət etməyin qaraciyərdə yağ toplanmasının qarşısını aldığını qeyd edib:

"Müntəzəm fiziki fəaliyyət də qaraciyər üçün faydalıdır. Antioksidantlarla zəngin qidaların istehlakını artırmaq tövsiyə olunur. Bundan əlavə, qaraciyər xəstəliklərinin qarşısını almaq üçün doymuş yağların qəbulu məhdudlaşdırılmalı, heç bir xəstəliyin müalicəsi özbaşına aparılmamalı, vaxtında hepatit peyvəndi olunmalı, mütəmadi analiz verilməli və şəkərli diabet varsa, onun gedişatı nəzarətdə saxlanılmalıdır".

Həmidə İbrahimova