Politoloq: "Anlamıram nə ağılla ABŞ-a sanksiya tətbiq edirik"

Azərbaycan Milli Məclisinə “ABŞ-da insan hüquqlarının vəziyyəti haqqında” qanun layihəsi təqdim olunub.

Təqdim olunan bu qanun layihəsi heç şübhəsiz birmənalı qarşılanmayıb.

Milli Məclisə təqdim edilən qanun layihəsini politoloq Zərdüşt Əlizadə Ölkə.Az-a şərh edib:

"Bu cür qanunu qəbul etməklə xalqın gözünə kül üfürmək istəyirlər. ABŞ-ın heç vecinə deyil Azərbaycan adlı dövlət var, ya yoxdur, Azərbaycan ona sanksiya tətbiq edir, ya etmir. Azərbaycan hökuməti göstərmək istəyir ki, biz də ABŞ-la eyni qüdrətə malikik. ABŞ-ı cəzalandırmaq bizim imkanımızdadır. Biz zəif düşmənə uduzmuşuq, torpaqlarımızı geri qaytara bilmirik, ölkədə iqtisadi böhran var, nə ağılla ABŞ-a sanksiya tətbiq edirik, anlamıram".

Qeyd edək ki, qanun layihəsinin müəllifi Azərbaycan Respublikası Milli Məclisinin Hüquq siyasəti və dövlət quruculuğu komitəsinin sədr müavini, “Azərbaycan Respublikasının Dağlıq Qarabağ Bölgəsinin Azərbaycanlı İcması” İctimai Birliyinin İdarə Heyətinin üzvü Rövşən Rzayevdir.

Səxavət Məmməd
Ölkə.Az