Sahibkarlığın inkişafına dəstək üçün görüş keçirilir
Dekabrın 25-də saat 10:00-da Ümumdünya Gömrük Təşkilatının Bakı şəhərində yerləşən Potensialın Gücləndirilməsi üzrə Avropa Regional Ofisində sahibkarlarla görüş keçiriləcək.
Bu barədə Dövlət Gömrük Komitəsindən (DGK) Ölkə.Az-a bildirilib.
“Görüş sahibkarlığın inkişafına dəstəyin daha da artırılması, ölkəmizdə sahibkarlıq subyektlərinin fəaliyyətinin təşviq edilməsi, maraqlı tərəflərin gömrük işinin müxtəlif fəaliyyət istiqamətləri barədə məlumatlandırılması, o cümlədən beynəlxalq ticarət təchizat zəncirində yüklərin etibarlı və fasiləsiz hərəkətinə əlverişli şərait yaradılması məqsədi daşıyır”, - deyə komitədən qeyd edilib.
Xatırladaq ki, seminarda iştirak etmək istəyən şəxslər Dövlət Gömrük Komitəsinin internet səhifəsinin (www.dgk.gov.az) “Sahibkarlara dəstək” blokuna daxil olmaqla qeydiyyatdan keçməlidirlər.
Ölkə.Az