Sumqayıtda yanan avtobus söndürüldü - VİDEO - Yenilənib
Sumqayıt şəhərində marşrut avtobus yanır.
Ölkə.Az “Qafqazinfo”ya istinadla xəbər verir ki, şəhər ərazisində fəaliyyət göstərən 2 saylı müntəzəm marşrut xəttinə aid “İsuzu Citibus” markalı avtobusda güclü yanğın başlayıb.
Hadisə yerində yanğınsöndürmə briqadası cəlb edilib.
FHN-in məlumatına əsasən, Sumqayıt şəhəri, 6-cı mikrorayon ərazisində avtobusda yanğın baş verib.
Dərhal nazirliyin Dövlət Yanğından Mühafizə Xidmətinin Sumqayıt şəhər Yanğından Mühafizə İdarəsinin qüvvələri əraziyə cəlb olunub.
Yanğınsöndürənlərin tərəfindən “İSUZU” markalı avtobusda baş vermiş yanğın yaxınlıqdakı tikililərə keçməsinə imkan verilmədən qısa müddətdə söndürülüb.
Yanğın nəticəsində avtobusun yanar hissələri yanıb.
Xəsarət alan yoxdur.
