"iPhone"da yeni funksiya - Telefonu sizin yerinizə o cavablayacaq

"Apple iOS 26" yeniləməsi ilə "iPhone" istifadəçilərinə yeni bir təhlükəsizlik və rahatlıq imkanı təqdim edib. Yeni əlavə olunan (Call Screening) funksiyası tanımadığınız nömrələrdən gələn zəngləri avtomatik şəkildə analiz edərək, istifadəçiyə zəngin kimdən və hansı səbəblə gəldiyi barədə məlumat verir. Bu funksiya spam və avtomatik zənglərə qarşı effektiv müdafiə vasitəsi kimi nəzərdə tutulub.

Ölkə.az milli.az-a istinadən xəbər verir ki, yeni xüsusiyyət yalnız iOS 26 versiyasına sahib cihazlarda aktivləşir. Yeniləməni quraşdırdıqdan sonra istifadəçilər Ayarlar → Uygulamalar → Telefon menyusuna daxil olaraq "Bilinməyən Zəngləri Axtar" bölməsindən funksiyanı aktiv edə bilirlər. Burada üç seçim mövcuddur: "Heç vaxt", "Səssiz et" və ən faydalısı sayılan "Zəng səbəbini soruş" rejimi.

Bu rejim aktiv olduqda, rəhbərdə qeydiyyatda olmayan biri zəng etdikdə, Siri-yə bənzər səs avtomatik olaraq zəng edən şəxsə kim olduğunu və niyə zəng etdiyini soruşur. Cavab verildikdən sonra məlumat ekranda mətn şəklində göstərilir və istifadəçi zəngi qəbul edib-etməmək qərarını verə bilir.

İstifadəçi həmçinin hazır cavablardan birini seçə və ya öz mesajını yaza bilər - sistem həmin mesajı səsli formada qarşı tərəfə çatdırır.

"Apple" istifadəçiləri istədikləri vaxt bu funksiyanı deaktiv edə bilərlər. Arama tarama xüsusiyyəti hələlik məhdud əhatədə olsa da, gələcəkdə bütün iPhone modelləri üçün diqqətçəkici yeniliklərdən biri olacağı gözlənilir.