Şimanski karyerasını Fransada davam etdirə bilər
"Fənərbaxça"nın polşalı yarımmüdafiəçisi Sebastian Şimanskinin Fransaya transferi gündəmdədir.
"Ölkə.az" xəbər verir ki, Liqa 1 təmsilçisi "Lion" 26 yaşlı futbolçunu heyətinə qatmaq istəyir.
Fransa klubu noyabr ayında Şimanskinin transferi ilə bağlı İstanbul nəhənginə rəsmi təklif göndərməyi planlaşdırır. Futbolçunun özü də "Lion"a keçidə müsbət yanaşır.
Qeyd edək ki, Şimanski 2023-cü ilin yayında Moskva "Dinamo" klubundan "Fənərbaxça"ya transfer olunub. Polşa millisinin üzvü bu mövsüm Super Liqada 14 rəsmi oyunda meydana çıxaraq 2 qol vurub və 2 məhsuldar ötürmə edib.
