Mourinyo “Fənərbağça”nı işə saldı - 36 milyon ödənilməlidir
Portuqaliyalı məşqçi Joze Mourinyo İstanbulun “Fənərbağça” klubunda çalışdığı dövrdə qaldığı "Four Seasons" hotelinə görə 747 min avro (təxminən 36 milyon TL / 1.5 milyon manat) məbləğində ödənilməmiş hesab qoyub.
Ölkə.Az Türkiyə mediasına istinadən xəbər verir ki, mütəxəssis 15 ay ərzində həmin hoteldə yaşayıb. O, avqust ayında – “Fənərbağça”nın baş məşqçisi vəzifəsindən azad edildikdən sonra – hoteldən ayrılıb.
Qeyd olunur ki, hazırda hesabı kimin ödəyəcəyi – Mourinyo, yoxsa klub tərəfindənmi – hələ bəlli deyil. Hazırda portuqaliyalı məşqçi 2026-cı ilə qədər nəzərdə tutulmuş müqavilənin vaxtından əvvəl ləğvinə görə “Fənərbaxça”dan 15 milyon avro kompensasiya gözləyir.
