Nazir ilk dəfə açıqladı: Bu müəllimlərin iş saatı uzadılır - ŞƏRH

Ölkə.Az xəbər verir ki, nazir yeni modelin könüllü olcağını və yalnız sertifikasiyada yüksək bal toplamış müəllimlərin iştirak edəcəyini söyləyib:

“Belə müəllimlərin dərs yükü həftədə 18–24 saat təşkil edəcək. Qalan vaxtlarını isə onlar metodik hazırlıq, şagirdlərlə fərdi iş, layihələrdə iştirak kimi fəaliyyətlərə sərf edəcəklər. Kim istəmirsə, əvvəlki kimi saat hesabı ilə işləməyə davam edə bilər” – o deyib.
Nazirin bu çıxışı sosial şəbəkələrdə “repetitorluğun məhvinə yönəlmiş addım” kimi qiymətləndirilib.

Mövzu ilə bağlı Ölkə.Az-a danışan təhsil eksperti Elmin Nuri bu modeldə müəllimlərin dərs yox, iş saatına görə maaş almasını müsbət qarşılayıb:

“Bir neçə həftədir ki, müəllimlərin maaşının dərs saatində görə yox, iş saatına görə hesablanmasının nə kimi yeniliklərə və problemlərə səbəb olacağı müzakirə edilirdi. Müəllimlər, xüsusən də repetitorluqla məşğul olan lar (onların sayı ümumi müəllim kütnəsi az qala 80%-ni əhatə edir) bununla bağlı çox ciddi narazılıqlarını bildirmişdilər. Çox sevinirəm ki, nazir Emin Əmrullayev həftələrdir müzakirə olunan maaş məsələsinə rəsmi platformada aydınlıq gətirdi. Daha əvvəl də bu mövzuda tələsməyə ehtiyac olmadığını, rəsmi münasibət gözləmək lazım olduğunu demişdim.

Nazirin çıxışında bildirilir ki, bu proses könüllüdür və yalnız sertifikatlaşdırmada yüksək nəticə göstərən müəllimlər cəlb olunacaqlar. Üçüncüsü, müəllimlər istədikləri təqdirdə həmin proqramdan - iş saatına görə maaş hesablanmasından imtina edə bilərlər. Yəni, bu, gördüyümüz kimi, sadə bir mexanizmdir. 

Bir çox xarici ölkələrdə müəllimlərin maaşı bizimki kimi dərs saatına görə yox, iş saatına görə hesablanır. Müəllimin iş saatı isə yalnız sinifə girib dərs keçməkdən ibarət deyil.
Müəllimin işi saat 9-da başlayır. Onun işi dərsə hazırlaşmaq, mövzunun mənimsənilməsi, sinfə dərs keçmək, növbəti dərslərlə bağlı proqram hazırlamaq, bugünkü dərslərlə bağlı müəyyən bir hesabatlılığı özünə vermək, şagirdlərlə bağlı fərdi hazırlıqdır. 

Məsələn, müəllimin dərsi bitsə də, o, gün sonuna qədər məktəbdə qalır deyə, bəlkə də onun görəcəyi işlər arasında ən mühüm olanı şagirdlərlə fərdi hazırlıqdır”.

Ekspert yeni modelin repetitorluğu məhv edəcəyi barədə fikirlərlə razı deyil:

“Bu qərar “repetitorluğu məhv edəcək”, “repetitorluğun ləğvinə hesablanıb” kimi yazılarla həm razıyam, həm də razı deyiləm. Ona görə razıyam ki, 8 saatlıq iş prinsipinin mahiyyətindən biri də repetitorluq institutunun bu dərəcədə yayılmasına mane olmaqdır.

Müəllim dərsi keçdi və həmin onun dərs saati bitti. Dərsi bitəndən sonra o, vaxt qalacağı bir təqdirdə özünühazırlıq proqramı hazırlayacaq. Bu proqramlaı şagirdlərlə iş mexanizmini tam surətdə əhatə edə biləcək.

Burada əsaslı bir əsaslı dönüşün yaranacağına inanmıram. O zaman əsaslı dönüş ola bilərdi ki, bu, repetitorluğa çox ciddi zərbə vurardı. Amma bu ehtimal həddindən artıq azdır. Ona görə də ciddi şəkildə dönüş hadisəsinin olmayacağını düşünürəm”.

Billurə Yunus