Bu il onları itirdik - SİYAHI
Ölkə.Az bu il vəfat edən tanınmış şəxslərin siyahısını təqdim edir:
İlk olaraq bu ilin 5 yanvarında “Bozbash Pictures” layihəsində canlandırdığı Ağsaqqal və Əzəmət obrazları ilə tanınan aktyor Azər Baxşəliyevi itirdik. Uzun illər böyrək çatışmazlığından əziyyət çəkən və əməliyyat üçün donor axtaran aktyor 40 yaşında qəfil dünyadan köçdü.
15 yanvarda isə "Vicdan haqqı" serialında canlandırdığı Larisa obrazına görə tanınan aktrisa və müğənni Çimnaz Sultanova doğum günündə bağırsaq xərçəngindən dünyasını dəyişdi.
Xalq artisti Ənvər Həsənov bu ilin 16 martında 75 yaşında uzun sürən xəstəlikdən vəfat edib.
Bu ilin avqustun 1-də isə Xalq artisti, muğam sənətinin görkəmli nümayəndəsi Arif Babayevi 87 yaşında əbədiyyətə qovuşdu.
2 gün sonra isə görkəmli dramaturq İlyas Əfəndiyevin oğlu, Xalq yazıçısı Elçin Əfəndiyev 82 yaşında həyatla vidalaşdı.
Bir dövrün ən populyar yazarlarından olan Əməkdar incəsənət xadimi Vidadi Babanlı isə 16 avqustda 98 yaşında gözlərini əbədi yumdu.
Azərbaycan SSR xalq artisti, Dövlət Rus Dram Teatrının aktyoru və Şamaxı xanı Mahmud ağanın nəticəsi Hacı Murad Yagizarov 86 yaşında Almaniyada vəfat etdi.
Sözsüz ki, bu ilin ən gözlənilməz itkilərindən biri "Parni iz Baku" KVN komandasının üzvü, Əməkdar artist Cabir imanovun ölümü oldu. 49 yaşlı aktyorun ölüm səbəbi isə getdiyi idman zalında qəfil infarkt keçirməsi idi.
Azərbaycan qiraət ustası, aktrisa, Xalq artisti Əminə Yusifqızı isə 89 yaşında son mənzilə yola salındı.
16 il Azərbaycanda səhiyyə naziri vəzifəsində çalışmış Oqtay Şirəliyev 3 oktyabrda 75 yaşında dünyasını dəyişib.
Qaraciyər və böyrək çatışmazlığı diaqnozu qoyulan Əlisəmid Kür isə 13 oktyabrda sağlamlıq mübarizəsini dayandırdı. və 71 yaşlı şair aktyor Qorqud Cəfərin atası idi.
2025-ci ildə musiqimizin, tar sənətinin ustadlarından Ramiz Quliyevi də itirdik. 78 yaşlı tarzən 15 oktyabrda haqq dünyasına qovuşdu.
Bir gün sonra isə Əməkdar artist Rəşad Bəxtiyarov 47 yaşında uzun sürən xəstəlikdən vəfat etdi.
Bu ilin 6 noyabrında Əməkdar artist Vahid Əliyev 73 yaşında vəfat edib.
Billurə
