Gəncədə qəza olub, xəsarət alanlar var
Gəncədə yol-nəqliyyat hadisəsi baş verib.
"Ölkə.az" APA-ya istinadla xəbər verir ki, hadisə şəhər ərazisində qeydə alınıb.
Belə ki, hərəkətdə olan iki minik maşını toqquşub. Nəticədə 2 nəfər xəsarət alıb.
Xəsarət alanlar xəstəxanaya yerləşdirilib, onların vəziyyətlərinin orta-ağır olduğu bildirilir.
Hadisə yerinə polis əməkdaşları cəlb edilib. Faktla bağlı araşdırma aparılır.
