Rusiya XİN: "Azərbaycanda saxlanılan Rusiya vətəndaşlarının...”
"Ölkə.az" xəbər verir ki, bu barədə Rusiya XİN-in MDB ölkələri üzrə Dördüncü departamentinin direktoru Mixail Kaluqin “Rossiya Seqodnya” agentliyinə müsahibəsində bildirib.
Onun sözlərinə görə, bu yay Bakıda həbs olunan 11 Rusiya vətəndaşının tezliklə Rusiyaya qaytarılması məsələsi Azərbaycan XİN-lə aparılan siyasi məsləhətləşmələrin əsas mövzularından biri olub. Danışıqlar 9–10 dekabr tarixlərində Azərbaycan Xarici İşlər Nazirliyində baş tutub.
“Bizim üçün şərtsiz prioritet – bu yay Azərbaycanda saxlanılan 11 vətəndaşımızın mümkün qədər tez Rusiyaya qayıtmasıdır. Bu məsələni 9–10 dekabrda Azərbaycan XİN-də keçirilən siyasi məsləhətləşmələr zamanı ətraflı müzakirə etdik”, – deyə Mixail Kaluqin bildirib.
Diplomat həmçinin qeyd edib ki, Rusiya prezidenti Vladimir Putinlə Azərbaycan prezidenti İlham Əliyevin 9 oktyabrda Düşənbədə baş tutan görüşü iki ölkə arasındakı münasibətlərə “güclü müsbət impuls” verib.
Qeyd edək ki, saxlanılan Rusiya vətəndaşları 1 iyul tarixindən etibarən həbsdədirlər və Moskvanın bu məsələni “münasibətlərin istiləşməsi fonunda” qaldırması diqqət çəkir.(Musavat.com)
