YUĞ teatrının binası niyə sökülür?

Mədəniyyət və Turizm Nazirliyi YUĞ Dövlət Teatrının binasının sökülməsinə münasibət bildirib.

Nazirliyin saytında yerləşdirilən məlumatda bildirilir ki, Yuğ teatrı bununla əlaqədar müvəqqəti ünvana köçürüləcək:

"Bakı şəhərinin baş planına uyğun olaraq, Yasamal rayonu ərazisində söküntü, abadlıq işləri həyata keçirilir. Aparılan yenidənqurma işlərinin planına uyğun olaraq, həmin ərazidə yerləşən Azərbaycan Dövlət “Yuğ” teatrının (M.Muxtarov küçəsi, 83) binasının da sökülməsi nəzərdə tutulub. Mədəniyyət və Turizm Nazirliyi tərəfindən teatrın kollektivinin müvəqqəti olaraq yerləşdirilməsi və fəaliyyəti üçün zəruri işlər həyata keçirilir. Teatrın müvəqqəti fəaliyyət göstərməsi üçün ünvan məlum olduqdan sonra teatrsevərlərə bu barədə məlumat veriləcəkdir".

Onu da qeyd edək ki, “Yuğ” teatrı üçün yeni binanın tikintisi məsələsi də gündəmdədir.

İntiqam VALEHOĞLU
Ölkə.az