Qazinin işlə təmin olunma ilə bağlı şikayətinə RƏSMİ CAVAB

Ölkə.Az xəbər verir ki, bu barədə müharibə iştirakçısı Əli Əhmədli sosial şəbəkələrdə yazıb. O deyib ki, müraciət tarixindən buyana həmişə ən çox balla birinci yerdə olsa da, ortada nəticə yoxdur:

“Şərait nəzarətdən keçirilsə də, indi 101 balım olsa da, Dövlət Məşğulluq Agentliyi, Əmək və Əhalinin Sosial Müdafiəsi Nazirliyi nə imtahana cəlb edir, nə də haqqım olan kiçik foto otelye əşyalarımı mənə təqdim edir”, - deyə o yazıb.

Əmək və Əhalinin Sosial Müdafiəsi Nazirliyi (ƏƏSMN) tabeliyində Dövlət Məşğulluq Agentliyindən Ölkə.Az-ın sorğusuna cavab olaraq bildirib ki, qaziyə təlimi bitirdikdən sonra təsərrüfat qurulacaq:

“Xəzər rayon sakini  Əhmədli Əli İlqar oğlu “Kiçik fotoatelye” istiqaməti üzrə özünüməşğulluq proqramına qeydiyyata alınıb. Bununla bağlı ilkin monitorinq həyata keçirilib və vətəndaşın proqrama uyğunluğu müəyyən olunub. Hazırda vətəndaş təlimlərdə iştirak etmək üçün növbədədir. Təlimi bitirdikdən sonra qanunamüvafiq qaydada vətəndaş  üçün "Kiçik fotoatelye" istiqaməti üzrə təsərrüfat qurulacaq”.

Billurə Yunus