İran hadisələri plan üzrə gedir: Çin və Rusiyadan gözlənilməz həmlə...

Ölkə.az xəbər verir ki, bu fikirləri Yaxın Şərq üzrə ekspert Kənan Rövşənoğlu deyib.

Onun sözlərinə görə, ABŞ İran ətrafına ordu yığır, dünən İranda etirazları qızışdıracaq və İranı daha da zəifləyəcək addım atdı:

"İranla ticarət edən ölkələrə 25 faiz gömrük rüsumu tətbiq edən qərarı imzaladı. Eyni zamanda, İrandakı amerikalılara öz imkanları ilə iranı dərhal tərk etmək çağırışı etdilər. Tramp üçün İrana hücumun dividentləri; Venesueladan sonra ikinci böyük neft ölkəsi elə keçirmək, İsrailin (yəhudi lobbisinin) xahişini reallaşdırmaq, diqqətləri Epşteyn sənədlərindən yayındırmaq üçün vacibdir. Eyni zamanda Çin və Rusiyaya Yaxın Şərqdə ağır zərbə vurmuş olacaq. 

İrana hücumun riskləri; Gözlənilməz və sərt müqavimətlə üzləşmək. Çin və Rusiya İrana gözlənilməz kömək edə və ABŞ-nin İrana əməliyyatı fiaskoya uğraya, 1980-vi il Təbəs çölü əməliyyatinda olduğu kimi, ABŞ-nin bir müddət İrandan çəkindirər. Yaxın Şərqdə ABŞ bazalarını vurmaqla daha ağır zərər vurmaq. Nəhayət, hücumun reallaşması və uğuru üçün həlledici amil daxildəki etirazların pik həddə yüksəlməsidir. Görünür, hazırda ABŞ və İsrail riskləri öyrənməyə çalışır".

Həmidə İbrahimova