Starmer Trampla Arktikanı müzakirə etdi

"Ölkə.az" xəbər verir ki, bu, Britaniya hökumət başçısının Amerika lideri ilə telefon danışığının nəticələrinə dair bəyanatında qeyd edilib.

"Liderlər davamlı atəşkəsə (Rusiya və Ukrayna arasında - red.) doğru irəliləyişin əldə edilməsinin vacibliyində razılaşıblar. Diplomatik səylər davam etdiyi bir vaxtda, Baş nazir beynəlxalq tərəfdaşların bundan sonra da Ukraynanın müdafiəsini dəstəkləməli olduğunu vurğulayıb", - bəyanatda qeyd olunub.

Arktikada təhlükəsizliyin möhkəmləndirilməsinin vacibliyi də müzakirə mövzusu olub. Starmer bunu hökumətinin mütləq prioriteti adlandırıb.

Britaniya Baş naziri Trampın NATO-ya üzv ölkələrinin Əfqanıstandakı qoşunları haqqında alçaldıcı ifadələri mövzusuna toxunub və bu müharibədə onların fədakarlıqlarını unutmamağın vacibliyini qeyd edib.